كعادتى اجلـــس وحدى ليلا لاننى آخــر من ينــام فى ذلك البيت وهذا يرجع لاننى طالب فاشـــل ومعنديش مدرسة الصبـــح فمنذ عودتى الى الدراســه فى يــوم 5 مــارس 2011 وانا اعتدت كبقيــة الطلاب على مســـتوى جمهوريــة الثانوية العامة على عدم الذهــاب الى المدرســـه
وكلنا منفضيــن من ناحيــة الدراســه خااااالص اجلس وحدى ليلا ولا يوجد اى بنى آدم صاحى فى البيت غيـــرى كل الارواح الآن نااااائـــمه .
اتسلــى بالليل واتفرج على التيلفزيـــون لكن المشكــلة العويصـــه التى تواجهنى الآن هى اننى لا اجد "ريـــموت التيليفزيــون" ياربى مش عارف الاقيـــه .
لكن وقفت ونهضــت من مكانى وقلت :انت ازاى حتلاقــيه والصاله اللى انت آعد فيــها شبــه "عشــة الفراخ" ياربى دا انا لو ظابط من حعرف اجيبــه .
اضطرنى الأمــر لان افكــر فى ترتيب الصاله ، وناهيــك عن كل ما واجهت من العنــاء خاصــة ان امــى لم ترتب الصالح فى ذلك اليوم بالذات لكـــى تثبت لنا ان النظـــافة مطلوووووووووووبــــه .
وقبــل ان تنـــام كانت فى عينــها نظــرة يأس من منظــر تلك الصاله التى كانت عبــاره عن كومــة من الجرائـــد بنوعيــها "الشـروق والمصــرى اليــوم" ومذكـــرات الدرس وورق الكيـــمياء وســـاعة بابا وترابيــزه المفروض ان هى تكون فى المطبــخ أصـــلا وموبايلــى وموبايل بابا دا طبــعا غيــر ان الشلت بتاعة الكراســى مهرووووووســه ع الارض
ووضبت الصالـــه ورتبتها لاول مره فى حيــاتى وكل هذا بحثـــا على الريمـوت .
ثم فجأة انتفضـــت وقلت: يـــالــــهوى دا الجزيــره دلوقتى بتجيب برامج وثائقــية وحواريــة وممكن تكون قناة التحرير جايبة برنامج احمد يــونس او بلال فضــل ...لالالالالالالالالا مش ممكن لازم الاقيــه
ثم فعلت ما لم افعله فى حيــاتى قط انى نظمت الصاله وروقـــتها ترويقـــة معلم .
وبعد كل هذا العنــاء والشقــاء لم اجد الريـــموت.
كانت كل الشتــائم والالفاظ اللى ملهاش لازمة فى فمـــى لكننى امسكت نفســى لاننى الحمد لله لسه مستحمى وحالق شعــرى ودقنى .
بس برده مش مبرر مش لاقى حاجة اعملها ..
الكومبيوتر ومش عليــه نت "يخربيت الدراســـه" الموبايل وحعمل عليــه ايه ؟؟؟؟ مفيش موزه ولا اى حاجة الحالة ناشفـــه ؟؟؟
مذااكــره ومش طايـــقها "بلاش قــرف" خلاص بقى
استسلمت لاول مره فى حيـــاتى وذهبت كعم شكوكو جارنــا الى سريرى وفكـــرت ان أقـــرأ اى من الكتب لكن كان صوت امـــى يصيح فى عقلــــى "عنــــدك دراااااااســـه ذااااااااكـــر"
طب اعمل ايــه ؟؟؟
استقـــر بى الامــر فى تلك المقاله العويصـــه التى اتبــع فيــها اسلوب "عمــر طاهـــر" لما مش يلاقى حاجة يعملها
ليست هناك تعليقات:
إرسال تعليق